من أهلها عشرين عــــــام

كل مرة امسك هــالقلم واخط شــيء جديد

جرح وهم ..زعل ورضى..فرح واسى..بين حب وكره وبين فرقى ورجعه

مدري لمتى تكتب ياقلم ولابه شيء من اللي ذكرته اهتنى ؟؟؟

يتخبط الجرح من هنا وهناك ويرسي ع قلبي بلا رحمه

والفرح وضعه ماهو بأحسن من جروحي..

مثل شوق الأرض للمطر ..يهطل علي بوقت ويفارقني اوقات

ولا أدري كيف اوصف احساسي بينهم ..

صابني تبلد مع شوية برود

صار الوضع عندي واحد ومابه أي اختلاف

اللي يسير عليك ياقلب اقبله واللي يطول بغيبته عنك بعد اقبله

الوضع واحد ومابه أي اختلاف

هذي الدنيا أحوالها متقلبة ومالها أمان واحلف بربي انها قاسيه

لكن ناسها عايشه ومكملة وناسية اللي من امس صابها

دنيا مافهمتها وانا من اهلها عشرين عام

كملت فيها هالسنين الطويلة

وباقي كأني بأول يوم اسكن تحت سماها

مدري هي الدنيا ايامها متشابهه ؟؟؟؟؟؟!!!!!

ولا هو احساس قلبي من كثر مايشوف وينوجع صارت ايامه كذا

من اهلها عشرين عام ..واحساسي هو احساسي

تحياتيRozz